1.
Ked ja pidu pid poľanu kosity,
pryjde mila, bude vodu nosity.
Lem mi podaj, frajiročko, s pohara,
budu ja ťa ľubovaty do rana.

2.
Ja by tobi zimnoj vody podala,
lem kyby nič tvoja matir neznala.
Nemusiš ty, frajiročko, strach maty,
bo ja budu lem pri tobi stojaty.

3.
Branyly mi gu frajirki chodyty,
počaly mi v ľubovaňju branyty.
Lem nebraňte, možete vy branyty,
bo ja druhu nedokažu ľubity.

4.
Lem sja ty mi, frajiročko, nestaraj,
pideme my choc na devjatyj valal.
Tam budeme v paňskim dvori služity,
nezabraňat sja nam virno ľubity.