1.
Stavaj mila hori, už ša rozvidňat,
staň a vyprovaď ňa pres zelenyj sad.
[:By ľude neznaľi, žem pri tobi spal,
že ja tobi včera svoje serce dal.:]

2.
Nepovič ty Haňko aňi materi,
žes mi odmykala toj noči dveri.
[:Že ty mene tajno do vas vpustila,
bo što by tvoja mať tobi povila.:]

3.
Nebij ša mij ľubyj mojej mamičky,
bo ona zna dobri tvoji chodňičky.
[:Bo ona toj noči spaňa nemala,
što ty mi povidal šytko sluchala.:]

4.
O našej ľubosty i ňaňko znajut,
aľe ony z toho radisť nemajut.
[:Ony mene chťili doma nechaty,
bo na gazdovaňu nit chto robity.:]

5.
Povič ty ňaňkovi i svojej mami,
žeby nerobiľi hrich medži nami.
[:Ked ony ša budut o nas staraty,
bude ša ty Haňko ťažko vydaty.:]