Hudba a text: Ján Krompaščík, sk. Medium

1.
Berezky, berezky, čom ša nebiľite,
[:oj, mamočko moja i vy ľubyj ňaňku, čom ňa neľubite.:]

2.
Šak ja ša neprosil na tot švit nikomu,
[:tu ňa poslal Pan Bih z vysokoj vysosti do vašoho domu.:]

3.
Či ste ňa počaľi z veľikoho hrichu,
[:ked ja na tym šviťi, ked ja na tym šviťi, nezaznam poťichu.:]

4.
Čom ste ňa, mamočko, čom nevychovaľi,
[:aľe ste ňa, mamko, jak ostatňu riandu čudžym ľuďom daľi.:]

5.
Choc ňa bolit serdce, žyču vam zdravičko,
[:choc ja nemam komu, choc ja nemam komu, povisti mamičko.:]

6.
Povisti mamičko ni povisti ňaňku,
[:ľen ja čudžim ľuďom, što ňa vychovaľi, mušu dati vďaku.:]