1.
Porizalam paľčik taj boľit,
zelenyj ľistočok nehojit,
[:zelenyj ľistočok nehojit, nehojit,
pocilyje milyj zahojit.:]

2.
Oj, što to za chlopec, jak zvet sja,
što vyn tak do mene tak smijet sja,
[:ja bym ho ľubila dušeju, dušeju,
jak by vyn mňa nazval svojeju.:]

3.
Oj, što za chlopec, kto znaje,
što vyn do mene volaje,
[:ja bym jomu serce vidala, vidala,
tak bym cilu pravdu skazala.:]

4.
Oj, što to za chlopec jak ruža,
ja bym joho vzjala za muža,
[:ja bym mu roboty nedala, nedala,
lež bym na krasoňki trimala.:]

5.
Slonečko za chmary vže schodit
a myj milyj do mene chodit,
[:stelit sja barvinku nizeňko, nizeňko,
prisuň sja kochanyj blizeňko.:]