1.
Ej, dumaš, sobi dumaš, švarnyj šuhajičku,
ej, že ja za ťa pidu, ľem pišeš paličku.
[:A ja by šuhaju za tebe ne pišla,
choc by tvoja rodina všytka za mnov prišla.:]

2.
Bo u mojoj mamočky pečeny rybočky.
A u tvojoj mamočky krvavy slzočky.
[:U mojoj mamočky žytnij chlib na stoli,
a u tvojoj šuhaju vivsjane v komori.:]

3.
Ej, žytnij chlib na stoľi pod hrjadom prikrytyj,
a u tvojoj šuhaju, vivsjane zamknute.
[:Z nas para ne budu, šuhaju nikoľi,
bo skupota i pycha ne po mojoj voľi.:]

4.
Ej, dumaš, sobi dumaš, švarnyj šuhajičku,
ej, že ja za ťa pidu, ľem pišeš paličku.
[:Vera ja šuhaju, za tebe ne pidu,
ne treba mi molodyj holovu bidu.:]