1.
Paľunko neščestna či ty Boža mana,
že ťa ľude pijut z večera do rana.
[:Z večera do rana, z rana do večera,
oj, tota paľunka veľika koľera.:]

2.
Rozvody, tiraňa, nezhody v rodiňi,
to vera paľunka šytkomu na viňi.
[:Bo ona ša pije sedem dňi do tyžňa
a opityj človek nema pomiriňa.:]

3.
Vešiľa, kerstiny, aľe i pohroby,
pri šytkych paľunka na peršej potreby.
[:Choc by sme nemaľi chľiba zakusity,
ľen keby ša našol štamperlik vypiti.:]

4.
Keľo na tym šviti hrichu veľikoho,
pre totu paľunku neštesťa samoho.
[:Keľo pre paľunku vyteklo slzočok,
neščestnoho oka ženy i ditočok.:]

5.
Tak sobi pijaci, tak sobi povidžme,
že i bez paľunky v korčmi pošidime.
[:Žeby sme nemali v rodzinoch nezhody.
namisto paľunky napijme ša vody.:]