1.
Pid zeľenom horom, maľeňka chyžočka,
a v ňej sama žyje, stareňka žinočka.
[:Sama ona sama, ňit pri ňej ňikoho,
bo jej ďity pišľi do švita šyroho.:]

2.
Každe Bože rano, moľitvom začinat,
ku Bohu, ša modľit, na ďity spominat.
[:Ťažko vychovala, ďity svoji štyri,
a už treťa zima, jak pri ňej nebyľi.:]

3.
Choroba, i starist, žačľi ju trapity,
na stary koľina, ňit jej chto obyjty.
[:V pecu jej nehorit, chyžočka cholodna,
furt vecij jak syta, ona je holodna.:]

4.
Pomož jej božičku, jari ša dožyty,
zeľenu, travičku, išťi uviďity.
[:By išťi viďila, perši lasťivočky,
jak bude šiďila, vonka na lavočky.:]

5.
Nechoče prijaty, pomič od ňikoho,
ľem vše vyčekuje, synačka svojoho.
[:Synačka svojoho, i svoju ďivočku,
že pridut kuknuty na svoju mamočku.:]