1.
Oj, žytko, žytko sja zeleňije,
moja pšenyčka neschodyt,
[:mal jem ďivčatko bars šumne bylo,
ale už za mnom nechodyt.:]

2.
Bylo to, bylo, v tricjaťim pjaťim,
mal jem ďivčatko jak tot cvit,
[:nožky dribneňky, ľička šumneňky,
šči nemala šisnacať ľit.:]

3.
A što sja stalo, ďivča ostalo,
maty i ona plakaľi,
[:šandare vzjaľi, ruky zvjazaľi
a mene v arešt pohnaľi.:]

4.
Oj, pridu, pridu, zaleču domiv,
za svoju milu oplaču,
[:šandariv pobju, ďivča si vozmu,
s ňim na kraj svita uteču.:]