rusínska

1.
A štože ša stalo nove
v tym orjabinskym krajnym domi,
[:tam žena muža, muža pobila
išči misto mitly s ňim zamitala.:]

2.
A išči mu povidala,
že na sercu ťažkost mala,
[:dam ja ťa, mužu, do inšoj školý
ked nebudeš robil po mojij voľi.:]

3.
Rano staneš umyješ mňa
a gu tomu pričešeš mňa
[:i dobre rano maš vinšovaty
a gu tomu ručku pocilovaty.:]

4.
Na fryštyčok paľinočky
naľiješ mi do fľašočky
[:pi že ženyčko pi že ma mila
žeby jes ňa vecej ňigda nebila.:]