rusínska

1.
Obleč sukňu červenu na tu bilu neďiľu,
naša bila lelija, naša bila lelija.

2.
Obleč sobi opľičko, ľuba naša sestričko.
naša bila leija, naša bila lelija.

3.
Privjaž sobi fartušok, na svyj bileňkyj brjušok,
naša bila lelija, naša bila lelija.

4.
Umyvaj sobi lička, jak bystra lasťivočka,
naša bila lelija, naša bila lelija.

5.
Pričeš soj holovičku, tak jako makovičku,
naša bila lelija, naša bila lelija.

6.
Podoprij sobi bočky, a chop sja za varkočky,
naša bila lelija, naša bila lelija.

7.
Obuj sobi čižmičky na bileňky nožičky,
naša bila lelija, naša bila lelija.

8.
Pidskoč sobi do haju, ber sobi ďivča z kraju,
naša bila lelija, naša bila lelija.